hasitago_

Hitzak jartzen dizkiegu bihotza jartzen dutenei.
Benetan garrantzia duen hori komunikatzeko laguntza.

BATERAGO

Gonbidatzen zaitugu gure proiektua ezagutzera.

Euskadiko elkarteentzako Baterago Komunikazio Zerbitzuak, kosturik gabea.

GARRANTZIA DUEN HORI KOMUNIKATZEN DUGU. ORAINGOAN, GEHIEN EMATEN DUTENEN ZERBITZURA.

Argi dugu hasitago_n: keinu txiki orok axola du. Beraz, gure ingurunearen gizarte-eraldaketan geure alea jartzeko era bilatu dugu. Baterago proiektua aurkezten dugu; haren bidez, guztion ongizatearen alde egunez egun diharduten Euskadiko elkarteei lagundu nahi diegu. Gure ingurunearekiko dugun konpromisoaren parte da proiektua; izan ere, gure iritzian, enpresek berez dute gizarte-erantzukizuna, eta horri eskaini nahi diogu ondoen egiten dakiguna: komunikatzea.

Horixe da, hain zuzen, hasitago_ren izaeraren isla eta emaitza. 
Halaxe sortzen da taldea, lehen urratsa egiteko ilusioz eta gogoz, denak emanda aritzeko prest. Zurekin, proiektu bakoitzean, bezero bakoitzarekin, berriekin eta betikoekin, eta, orain, zuekin ere bai, elkarteekin.
Baterago, batera joanez iristen gara harago.

HIRUGARREN GIZARTE-SEKTOREKO ELKARTEREN BATEKO KIDEA ZARA? HONA ZURETZAKO MODUKO PROIEKTUA!

eman izena

EMAN IZENA

Istorio adina pack dauzkagu.

  • Eraiki zure marka

    Hastapenetan bazaude edo irudia berritu behar baduzu, lagunduko dizugu logoa eta ikusizko nortasuna estreinatzen.

  • Jarri ahotsa zure markari

    Oraindik ez duzu zehaztu zure markaren nortasuna? Forma ematen diegu zuen izaerari eta munduaren aurrean agertzeko moduari.

  • Estreinatu webgunea

    Zure leihoa online unibertsora zabaltzen dugu, onepage soil, moderno eta funtzional baten bidez.

  • Zure aurkezpen-gutuna

    Munduaren aurrean behar bezala ager zaitezen lagunduko dizugu, zure elkartearen ikusizko komunikazioa indartuta.

  • Ikasi komunikatzen

    Emaiozu arrain bat gizon bati eta egun batean zer jan izango du; erakutsi hari arrantzan eta beti izango du zer jan (txinatar esaera)
    Zenbait gako irakatsiko dizkizugu, ongi eta modu koherentean komunikatzeko.

Ezagutu packak zehatzago.

deskargatu pdf informatiboa eman izena

Zein dira baldintzak?

  • HIRUGARREN GIZARTE-SEKTOREKO ELKARTEA IZATEA

    Geure alea jarri nahi dugu gehien behar den horretan. Beraz, prozesu hau norentzat da? irabazi-asmorik gabeko elkarte oro, izaera sozialeko proiektuak dituena eta elkarteen erroldan inskribatuak euskadiko hirugarren gizarte-sektorekoak.

  • EGOITZA GIPUZKOAN, BIZKAIAN EDO ARABAN IZATEA

    Bateragoren lehen edizioa abian jarri zen Gipuzkoan eta, aurten, pauso bat harago goaz Euskadi osoko elkarteei gure laguntza eskainiz.

  • KOMUNIKAZIO BEHAR ARGI BAT IZATEA

    Badakigu ez zaretela espezialista arlo honetan, baina garrantzitsua da argi eduki dezazuen zer behar duen zuen elkarteak: webgune bat? Logotipo bat? Presentzia sare sozialetan? Zenbat eta argiago eduki, orduan eta hobeki lagunduko dizugu.

BETETZEN DITUZU BALDINTZA HORIEK?
BADA, ZU EZAGUTZEKO IRRIKAN GAUDE!

Eman izena gure formularioan eta kontaguzu zure istorioa.
Egiten duzun hori komunikatzen lagundu nahi dizugu, merezi duzulako.

eman izena

BATERAGO

Bidea osatzeko bost faseak.

EZAGUTU ZEHATZ-MEHATZ PROZESUAREN FASEAK.

deskargatu pdf informatiboa eman izena

  • IZEN-EMATEA

    EKAINAK 9-23
    Elkarte interesatu guztientzat zabalik.

  • HAUTAKETA

    IRAILEAN
    Epaimahaiak amaierako proiektuak hautatzen ditu.

  • KOMUNIKAZIOA

    URRIAN
    Zuzenean jarriko gara harremanetan hautatutako elkarteekin.

  • EXEKUZIOA

    2027
    hasitago_k lanari ekingo dio.

  • EBALUAZIOA

    Esperientziaren inguruan zurekin batera hausnartzen dugu.

Epaimahaiak

proiektu eta elkarte guztiak banan-banan aztertuko ditu.

  • MIREN GURRUTXAGA

    Gizaldekokoordinatzailea (Gipuzkoako boluntariotza-agentzia).
    Pertsonak, kausak eta ingurunea aldatzeko gogoak elkartzen dituen profesionala.

  • AINARA MUGA

    Real Sociedad Fundazioko proiektu-arduraduna.
    Pertsonak erdigunean jartzen dituzten ekimenak bultzatzen ditu.

  • MARIAU ANGULO

    hasitago_ko profesionala, ingurunearekin konprometitua.
    Ziur dago gizarte solidarioago bat posible dela.

Zure galdera guztientzako erantzunak.

Nork eman dezake izena?

Irabazi-asmorik gabeko elkarte oro, izaera sozialeko proiektuak dituena eta elkarteen erroldan inskribatuak euskadiko hirugarren gizarte-sektorekoak, Gipuzkoa, Bizkaia edo Araban egoitza izaten dutenak.

Zer euskarri mota eskaini ditzakegu?

Brandinga, logotipoa, nortasunaren diseinua, web-orriak... Komunikazioari loturiko alderdi guztiak, zure proiektu sozialari indar eta ikusgarritasun handiagoa emateko.

Zenbat elkarte hautatuko dira?

3 elkarterekin egingo dugu lan.

Zenbat ordaindu behar da?

Ezer ez. Baterago proiektua % 100ean da doakoa.
Produkzioari loturiko kosturik balego (domeinuak, lizentziak, kanpo-elementuak, etab.), elkartearen kargura izango litzateke.

EMAN IZENA